Sén dollotar Ulaid
Author: unknown
Editor: E. J. Gwynn
An electronic edition
view the header | view the translation
p. 93.
(MS col. 305)
1. Sen dollotar Ulaid hi cath Droma Criaig:
tucsat cend a maccu leo co hEchaid ar gli[ai]d.
2. Sen dollotar Ulaid isin Albain ndurmair,
co tucsat cend mBruige leo is Artuir meic Dungail.
3. Sen dollotar Ulaid i Lachlaind co leri,
co tucsat noí catha on comainm coa celi.
4. Sen dollotar Ulaid i cath srib-glan Sachsan:
robo mer in meisnech robo crodha in gasrad.
5. Sen dollotar Ulaid i Traig Roiss co n-aine:
cindsitar na caemi brisitar na baige.
6.
Sen dollotar Ulaid i reim, n-ágda fechtas,
dia rotoglad Torach triun fer Falga.
7.
[Sé]nsom rig in choicid cur comalla a calmdhacht,
cor thubat cor tairned na tuatha fria tangnacht.
8.
Sensom óg a n-amus cor horbat enech;
Sensom og a mbrugad co .. brugat enech.
9. Ar milid, ar macrad, co rachobra in cel-sa,
ar treoin is ar toisig co rachobra in sen-sa.
Sen dollotar Ulaid.
© 2007 Thesaurus Linguae Hibernicae