Cainnech’s Hymnus auf Colum Cille
Author: unknown
Editor: Kuno Meyer
An electronic edition
p. 217.
(MS fol. 60a)
Cainnech beos dorigni in n-orthain seo.
1. Guidium mac Feidelmid
fri itge n-ardfhlatha
anaclaig adamraig
snaidsium ar phein:
Colum cain caindelda
cilli cain deshercda
tori dom imdegail
hua niamguirm Neill.
2. Noemdrech do Gædelaib,
gein sluagach socheirne,
sil Cormaic cetchathaig,
curata in chuing:
tretell De dilgidaig
do rethaib rianmaigi
mac Eithni almit-ni
iarmhua Cuind.
3. Cocan bong tromthola
a toebaib clochadba,
comarba aurnaigthe,
uasal a griss:
gabais i n-allmuirib,
muras mor nhdeserce
sceo o chein ollbuadaig
brisses for dubdiabul
a chroich, a chíss.
4. Cechaing i n-ailithir
trechlad find firinni
fri cumtach costudach
crabuid cen bréic:
brig molbthach magistir,
turcbail án adamrach
p. 218.
fri ardsluag nĒrennach,
ni ranic ilchlanna
álaind (?) na éit.
5. Huasal dóel diasneti
imchompert spirtal[d]a
co foclaib fáthacdaib
fuirmid nach tlaith:
ar cathair chanóne
glic isna gradmænib,
dluithciall i cáinstarib,
glic im rith reilescae
tria runib ráid.
6. Rigeces ardflatha,
lestar óir airegda
asa mbruintis balcct[h]onna
topur fri fudumna
fessa find laech:
liä lán lainnerda,
lógmar lith nhdoenachta,
doss fremunn firinne
fri loss i n-ardlocharn
in spirta noeb.
7. An breo, brath n-idlachta,
án srogell slamthened
slaides sluag ndemnaidi
tuir gaibthig gairg:
gein orda ar eschaire
i n-ilchrichaib comadais,
comarba cetbuadach
Poil apstail airdd.
8. Barr buadach bárclethan
lethas dar soerchlanna
p. 219.
sil aurdairc Heremoin
inse Scot scelaige
la hAlpain ail:
Eöin glan Goidelach
cen aurduim sadaili,
sruith sruamach soborthnach,
seoit Grigoir gradaigthi,
grian parduis bain.
9. Ateoch in [n]dilgidach
domroi sech iffernphein
iar setaib trocaire
co ceolaib Hiruphin
anhgel uas fraig:
rop rigmaith m’anacol
sech treotu doerdemna,
doratar degduasi
i ndindgnaib degfhlatha
do cach no-guid.
© 2007 Thesaurus Linguae Hibernicae