An Old Irish Poem on St. Patrick

Author: unknown

Editor: Kuno Meyer

An electronic edition

view the header

p. 303.

(MS fol. 143b)

1. Patraicc Macha martai Gaidil, glaine riagla,
pritchais doïb cen chleith coemna se deich mbliadhna.

2. Bathais Patraic fodaroenaig, rigda ind riagail,
dusfuc Patraic cen ail n-uaboir a taig diaboil.

3. Doïb bas brithem dia bratha, bret[h] as doidngiu,
ni fuil noeb conni a airde co ti in Coimdiu.

4. Coimdiu feisin dou doridnacht fonn ar feraind,
is leis fir gach Goidil glanuill do hsil Breguinn.

5. Bratir dun ardabstail Erenn, ind noib roitir,
rothecht seochu mac mec Fotaid cert cech coicid.

6. Co rooirdnestar sluag sacart, sruith in dine,
lin forsroleg grad co nuibe, teora mile.

7. Mad in sluag n-ardepscop n-uasal, uaisliu danaib,
secht coicait n-epscop n-uag n-oebin uad fo gradaibh.

8. Grian gel Goidel, glere garta, rele ar rechta,
le[i]r raleg cen luithe lochtai suithe sechta.

9. Secht cet aipgitrech rascribai, screptra scribenn,
secht cet celd ba cain dosrorann do Mail irenn.

10. Ardchell dorraighai do feisin, fonn na flatha,
adba n-arcc n-og iarthair betho Ard mor Macha.

11. Madh an rodusaig do marbaib, is mó milib,
ni fhail cenn conni a arim, is drem dirim.

12. D’egnuib iarthair duisig domuin      is do tarctait,
do lou brathai cech fis firtait      is fris daltait,
is e a flaith firda foemtaitt      primda Patraic. Pa.

13. Epscop Herenn ocus sacart, sruithe samtait,
d’egnoibh Erenn is ed legdait, legenn Patraic. Pat.

Close this window