A Prayer to Christ for Help
Author: unknown
Editor: Kuno Meyer
An electronic edition
view the header | view the translation
p. 114.
(MS p. 155a)
1. A Chríst cobra, tair chucum, rim rocongba co hopunn!
a Ísu inmain inmain, tordacht cach inbaid ocunn!
2.
A Choimsid báid co mbúadaib, co slúagaib soillsib slánaib,
ná rabur sel i slabraid aithnim m’anmain it lámaib.
3. Iar techt óm cholainn chubaid, a Dé molaim cen mebail,
nímrelge i crích mo sháegail i n-ingnib dáeraib demain!
4. Ar do nóime, a Chríst chredlaig, déna bóide ar do bidbaid,
dingaib dím cach n-olc n-angbaid, art’ chorp, ar th’anmain inmain!
p. 115.
5. Ar fhuil, ar fheóil romchomga, ar Eóin, ar Muire molbda,
ar do dóenacht cen duilge, a Chríst cuibre romchobra!
6.
In sét atá form’ aire, menbad bét, menbad bine,
soirthig, a fhlaith síl Ádaim, a Chríst co ngrádaib nime!
7. Nírba fota do blíadnaib co romthócba cot nóebaib,
conamthí techt do nemdaib dom brith ó demnaib dóeraib.
8. Inní ráidim rit reime notáilim, a maic Muire,
fot gairte beo for conair bí ’com chobair, a chride!
A cr.
© 2007 Thesaurus Linguae Hibernicae