Sgél ingnadh and so for Maelosdan
Author: unknown
Editor: Kuno Meyer
An electronic edition
view the header | view the translation | view MS D iv 2 on ISOS
p. 88.
(MS fol. 48c)
Sgél ingnadh and so for Maelosdan
Cerbald mac Timpain arlár doroine
imirghi, co ro léiccset arlár a chesach i farradh
na fairrge, co fúair gilla díbh turchairthi
ingnadh isin tráigh ’na farradh .i. muirlan
glas cruind mór, ocus gan doras fair
itir, acht ’na certle comchruind. Beridh in
gilla lais hé ocus cuiridh ar uachtar (f. 48d) na cesach
ocus tendaidh gat tairis co cruaidh. Is ann
atcúalatar in guth mór isin tráigh cétna,
ocus is edh so atbert: ‘Maelosdan! Maelosdan!’
Ro fhregair in certle mór isin
inadh a raibh, ar bélaibh na cesach, ocus is edh
isbert ó ghuth mór eile .i. ‘Uarchraidhe!
Uarchraidhe!’ Is ann sin didu ro tharraing
in cesaigh co raibhi druim dar ais, ocus ro
mhinaigh in gat ro bhói tairis féin, ocus dochúaidh
’na rith do druim dar ais coricce in inadh
p. 89.
asa tucadh, ocus dochúaidh fan fairrge. Conidh
ann atcúalatar lucht in baile gáir mór isin
fairrge .i. muinter Maelosdain ac fáilte
fris. Conadh ingnadh mór la cách in scél sin.
© 2007 Thesaurus Linguae Hibernicae