Baithin mac Brenainn ocus Colam Cille

Author: unknown

Editor: Kuno Meyer

An electronic edition


view the header | view the translation



p. 229a.

Baithin mac Brenainn mic Fergusa ocus
Colam Cille mac Feidlimthi mic Fergusa .i.
clann dá derbráthar iat a n-dís. Ní bíd
in Baithin sin i nach aimsir genmotha aimsir
a chotalta namá gen saethar do dénam do
Dia .i. irnaighthi nó léiginn nó scríbinn nó
umalóid. An tan didiu no shinedh a lám
dochum na meisi do chaithem a phrainne, no
bíd in lám aile edarbuas oc edarguidhe in




p. 229b.

Choimdhidh, ocus ro chanad etir gach dá mír
Deus, in adiutorium meum intende
usque in ‘festina.’ A n-aimsir na búana
dono no thinóiledh a n-arbur don dara láim,
ocus in lám aile sínti dochum nime. Ní
cuiredh dono cuil ná corrmíl dia aghaidh,
ocus ni léicedh immorro firta in cléirigh
dóibh aithe. Ní léicedh in Baithin sin firta ná
mirbuile dia fhertaib féin do hinnisin i
m-bethaidh Cholaim Chilli ar onoir do Cholum
ocus ar inísle dó féin. Cethri bliadhna dó
a n-abdaine Daire Coluim tar éis Coluim
Cille, ocus ac Colum Cille ro fhoghluim
riam ó thorach a beathadh, ocus ba hecnaidhe
amra é. Finit.



© 2008 Thesaurus Linguae Hibernicae

Close this window