The Graves of the Apostles

Author: unknown

p. 393.

(MS fol. 38a)

1. Reilgi muintiri maic Dé, nocha n-égóir a n-aithne,
bid tosach deg-[g]résa dam reclésa na rígapstal.

2. Eóin baisti rofhidir Día isin cathraig Sabastía,
reilgi Póil ocus Pedair atáid i Róim rígegair.

3. Relig Andrias fríth ibhus i nAcaia i Partirus.
dá Iacóp is Madían menn atáid i nIarusalem.

p. 394.

4. A nEfis a nAsia Big atá Eóin roglan roglicc,
i Liconia nArmenia óig relig prímda Parrtholóin.

5. Pilip, ba cara do Día, i nEoraip in Frigia,
cathair atá Thomás tair Endia isna Sairgentaib.

6. I nArmenia i nAmon dam atá Matha mórapstal,
loighi Simóin sund co se Erentum a tír Parte.

7. Reilgi Lucais, locc do Día, Bothia Mesopotamia,
Mairc, isí a chathair co cert Alaxandair i nEgipt.

8. Docúadur martra uili act Eóin ar a inmaine,
is álaind an dath ar nim, atá rath ar a reilgib.

Reilge.