A Middle Irish Poem on Eogan Bél

Author: unknown

p. 303.

(MS fol. 72b)

1. Dún Eogain Bél forsind loch forsrala ilar tréntroch,
ní mair Eogan forsind múr ocus maraid in sendún.

p. 304.

2. Maraid inad a thige irraibe ’na chrólige,
ní mair in rígan re cair nobíd ina chomlepaid.

3. Cairptech in rí robúi and, innsaigthech oirgnech Érenn,
ní dechaid coll cána ar goil, rocroch tríchait im óenboin.

4. Roloisc Life co ba shecht, rooirg Mumain tríchait fecht,
nír dál do Leith Núadat nair co nár dámair immarbáig.

5. Doluid fecht im-Mumain móir do chuinchid argait is óir,
d’iaraid sét ocus móine do gabail gíall [n]dagdóine.

6. Trían a shlúaig dar Lúachair síar co Cnoc mBrénainn isin slíab,
a trían aile úad fo dess co Carn Húi Néit na n-éces.

7. Sé fodéin oc Druimm Abrat co trían a shlúaig, nísdermat,
oc loscud Muman maisse, ba subach don degaisse.

8. Atchím a chomarba ind ríg a mét dorigne d’anfhír,
nenaid ocus tromm ’malle, conid é fonn a dúine.

Dún Eogain.