Le Miracle du Décapité
Author: unknown
Editor: Paul Grosjean S.J.
An electronic edition
view the header | view the translation | view MS A9 on ISOS
p. 270.
(MS p. 32b)
La da n-deachad Diarmaid mac Cerbaill do comoradh aenaigh
Tailltin in bliadhain iar n-gabhail Eireann dó, & is e fa
hanmcara do in tan sin .i. Ciaran mac ind tShair, & do bui in
la sin a coimidecht Diarmada ar in aenach, & ar tairgsin aibneasa
p. 271.
an aenaigh co facadur ben da n-innsaighi & si ac
iaraidh a fir & arna fhaghbail di do bui oca liamuint ar mnai
ele, & do boi in fer ac eiliugadh na mna uime sin, & adubhairt
si co n-gebadh luighi fo laim Ciarain uadha sin, nach cinntach.
Do tog laim an erluim asa haithli, & cuiridh fora muinel
hi, & toingid uimpi nar cinntach e. Fasaigh cnoc aillsi fora
muinel a n-ait laime Ciarain curtuit a cenn de isin aenach a
fiadnuise fear nErenn. Co ro moradh ainm Ciarain tresna mirbuile
sin. Co ndechat la Ciaran co Cluain Mic Nois do lesugadh
a anma an oirid do cinnfedh Dia a betha do, & do
bi co cend secht mbliadhan ’na betha gan cenn fair ac na
manchaibh tar eis Ciarain, no co tarla ben cuigi fecht naill, &
cur coimriacht risin mnai, co roib torrach & co fuair fein
bais se haithi na haen-uaire, & do hadlaiceadh leis na manchaibh
in méach, cor do cuimniugadh an firt sin do graifne in
líne so. Finit &rl (?).
© 2006 Thesaurus Linguae Hibernicae