Is í aidhm FLEXI tuiscint a fháil ar an gcaoi a raibh an dlí seachadta agus athchruthaithe le scoláirí in ionad húdaráis láraithe san Eoraip mheánaoiseach. Déantar é seo trí staidéar ar Achoimrí (‘digests’) an Fhéineachais a scríobhadh le dlíodóirí Éireannacha sa Mheánaois Dheireanach.
Baineann FLEXI le cúrsaí taighde difriúla mar stair intleachta, dlí in Éirinn mheánaoiseach, pailéagrafaíocht, stair chomparáideach na ndlíthe agus daonnachtaí digiteacha.
Scrúdaíonn FLEXI struchtúr na nAchoimrí, na naisc atá eatarthu, agus a n-ábhair dhlíthiúla. Tugann sé aird go háirithe ar na prionsabail lena raibh na hAchoimrí tiomsaithe agus ar na líonraí intleachtúla atá iontu. Athróidh sé an chaoi a dtuigimid téacsanna meánaoiseacha agus an saol intleachtúil sa tréimse sin.
Cuireann FLEXI cur chuige ildisciplíneach i bhfeidhm chun imscrúdú a dhéanamh ar na ceithre bháiliúcháin shliocht dlí a dtugtar ‘Achoimrí’ orthu. Bailíodh téacsanna ó fhoinsí éagsúla agus cuireadh atheagar orthu sa chóras nua mar athbhreithniú ar an traidisiún dlíthiúil. Ba mhaith linn a léiriú, cén chaoi ar cruthaíodh na téacsanna dlí seo agus ar glacadh mar fhoinsí dlí in Éirinn mheánaoiseach. Rianaíonn FLEXI na foinsí a úsáidtear sna hAchoimrí go cainníochtúil, agus déanann sé iarracht ar mhúnla sonraí nasctha agus anailís ar na líonraí a úsáid chun é a bhaint amach. Déanann sé measúnú ar an éagsúlacht taobh laistigh de na hAchoimrí agus scrúdaíonn sé na teicnící léirmhínithe trína n-éirigh leis na dlíodóirí an éagsúlacht a réiteach agus a chomhchuibhiú.
Tá FLEXI ag lorg riain den tionchar ó thraidisiúin dhlíthiúla eile sa dlí Éireannach meánaoiseach, mar shampla, an Dlí Canónta agus an Dlí Sibhialta. Is dócha gur imir na dlíthe sin tionchar ar phrionsabal eagraithe na nAchoimrí. Cuireann FLEXI i gceist freisin, cén saghas oideachais a fuair na dlíodóirí a chum nó scríobh na hAchoimrí, agus cén dóigh a ndeachaigh a gcuid oideachais – sa bhaile nó thar lear – i bhfeidhm ar dhealbh na nAchoimrí.
Mar bhuille scoir, tá bogearraí nua á bhforbairt agus á dtástáil ag FLEXI don aimsiú uathoibríoch ar théacsanna sa Luath-Ghaeilge a bhfuil macasamhail ar a chéile acu (agus athúsáid théacsanna go ginearálta). Táirgfidh ár bhfeidhmchláir réiteach digiteach atá á lorg le fada, rud gur féidir leis téacsanna sa Luath-Ghaeilge atá cosúil le chéile a aithint go tapa as corpais mhóra, agus mar sin nochtfar ceangail idirthéacsúla a bhíonn as amharc na súl.
Glacann FLEXI maoiniú ón (opens in a new window)Aontas Eorpach (ERC 2022 StG), uimhir aitheantais chomhaontaithe 101076246
(opens in a new window)DOI 10.3030/101076246
Achar: Meán Fómhair 2023 - Lúnasa 2028
09 Iúil 2025
Fangzhe Qiu, cur i láthair ar cuireadh: (opens in a new window)The Structure of the Late Medieval Irish Legal Digests
Andrew Ó Donnghaile, cur i láthair ar cuireadh: (opens in a new window)The intellectual landscape of the medieval Irish legal digests: filiation, affiliation and education
Eachiarn Erbnen, cur i láthair ar cuireadh: The Copy of O'Davoren's Glossary in MS Trinity College Dublin, 1317 (H2.15b): Palaeographical Characteristics and Intertextuality
10 Meitheamh 2025
Andrew Ó Donnghaile agus Fangzhe Qiu, cur i láthair ar cuireadh: (opens in a new window)Synthesis and Reproduction in the Late Medieval Irish Digests
25 Eanáir 2025
Andrew Ó Donnghaile, cur i láthair ar cuireadh: Citizenship in early medieval Ireland? Legal rights and inter-territorial perspectives
11 Mí na Nollag 2024
Fangzhe Qiu, cur i láthair ar cuireadh: The use of poetic forms in early Irish law texts
16 Deireadh Fómhair 2024
Fangzhe Qiu, cur i láthair ar cuireadh: Early Irish law as historiography
31 Lúnasa 2024
Fangzhe Qiu, cur i láthair ar cuireadh: Introductory narratives in early Irish law: a change in style in the late Old Irish period? (le foilsiú sna himeachtaí)
30 Aibreán 2024
Andrew Ó Donnghaile, cur i láthair ar cuireadh: The FLEXI Project: Jurists and textual transmission in medieval Ireland
26 Aibreán 2024
Fangzhe Qiu, cur i láthair ar cuireadh: Mar aderid na dligthi-so: construction of textual networks in late medieval Irish ‘digests’
14 Samhain 2023
Fangzhe Qiu, léacht ar cuireadh: Early Irish law: progress to date and challenges ahead
Sinne an fhoireann taighde FLEXI.
Is ollamh comhlach é Fangzhe sa Scoil GLCB. Is iad na réimsí taighde is mó is spéis leis ná teangeolaíocht stairiúil cheilteach, dlíthe na Luath-Ghaeilge, agus litríocht na Meánaoise. Tá suim mhóir aige sa chomhréir ghiniúnach, teangeolaíocht chorpas agus cait ‘tuxedo’ chomh maith. Is é príomhthaighdeoir an tionscadail FLEXI.
Amharc ar an bpróifíl (cluaisín nua)
Is Cúntóir Taighde sa tionscadal seo í Cassandra agus í ina dalta chéad bliana PhD in Ollscoil na hÉireann Mhá Nuad. Ar an suim taighde aici tá na réimsí seo, go háirithe iad a bhaineann le hÉirinn mheánaoiseach: an cultúr físiúil, líonraí intleachta, an teangeolaíocht stairiúil agus staidéar ar aistriúchán. Rudaí eile is spéis léi ná amharc-ealaíona, ceol, madraí agus obair chun a chinnitiú gur réimse ionchuimsitheach agus inrochtana é Léann Ceilteach.
Is comhalta taighde iardhochtúireachta ar dhlí in Éirinn mheánaoiseach é Andrew Ó Donnghaile.
Is iad na réimsí taighde is mó is spéis leis ná an dlí in Éirinn mheánaoiseach, stair mhíleata agus polaitíochta oileánach mheánaoiseach agus scileanna marcaíochta in Éirinn mheánaoiseach atá bunaithe ar mhodh praiticiúil athchruthaitheach.
Tá baint aige chomh maith le taighde agus athchruthú ar chogaíocht agus eachaíocht Eoráiseach. Déanann sé cleachtadh ar ealaíona comhraic eachaíochta Eoráiseacha faoi láthair.
Is comhalta taighde iardhochtúireachta sa thionscadal seo í Héléna D.M. Lagréou. Tá suimeanna taighde aici faoi dhlí coiriúil meánaoiseach, le béim ar leith ar ius commune (agus na dlíthe rómhanaigh san áireamh), dlí canónta, agus córais dlí shaolta i Sasana, sa Fhrainc, in Éirinn, agus san Iodáil a bhreathnaítear ina gcomhthéacsana stairiúla agus cultúrtha. Seachas seo, tá Héléna ag comhdhíriú taighde faoi cháis le pionós an bháis i sochaí ár linne, agus tá súil ghear aici ar rudaí aisteacha sa Ré Victeoiriach.
Tá an-taithí ag David Ó Laigheanáin ar innealtóireacht bhogearraí ⁊ chluichí san earnáil phríobháideach. Mar sin, airsean atá freagracht as ár gcuid teicneolaíochta: samhlacha teanga nádúrtha, uirlisí ⁊rl. Ar na hábhair spéise eile atá aige tá an Ghaeilge, ceol, eiceolaíocht, ficsean eolaíochta, ceartas míchumais ⁊ an pholaitíocht.